" మహిళను " గౌరవించే వానిని --ఒక్కరిని చూపించు --చూడాలని ఉంది --?

నాదో కోరిక --
నాదో తపన -
నాదో అన్వేషన --
ఊహ తెలిసిందగ్గర నుంచి -ఏదో ఆరాటం -
' అతన్ని ' చూడాలని --
ఒక్కసారి -
ఒకే ఒక్కసారి --మాటలాడాలని -
ఎం లాభం ?
ఇంతవరకు కనిపించలేదు -
ధివి నడిగా --భువి నడిగా
దిక్కు నడిగా --చుక్క నడిగా
పక్క నెల్లే పైరగాలి నడిగా
బడిలో గురువు నడిగా
గుడిలో పూజారి నడిగా ,
నాన్న నడిగా --నానమ్మనడిగా
తెలియదన్నారు --చూడలేదన్నారు ,
ఏం లాభం --నా తపన తీరలేదు !
రామాయణం -చూసా --కనిపించలేదు /
భాగవతం చదివా --కనిపించలేదు ?
భారతం చదివా --ఊహూ --కనిపించలేదు
చరిత్రకారున్ని అడిగా --మేధావులనడిగా
తెలియదన్నారు --చూడలేదన్నారు !?
దేవుళ్ళలో లేడు --దేవతలలో లేడు
మునులలో లేడు -- మానవులలో లేడు
ఎవడమ్మా ? వాడు -- ఎక్కడుంటాడు ?
ఎలా ఉంటాడు ?
మహిళను గౌ రవించేవాడు --
ఎప్పుడూ --ఎక్కడా --ఒక్కసారైన
అనుమానించనివాడు --అవమానించనివాడు
కసురుకోని వాడు -- విసుక్కోనివాడు -
కొట్టని వాడు --తిట్టని వాడు -
చూపిస్తావా ? అల్లాగే --
ఆదరించేవాడు --ఆరాధించేవాడు
లాలించే వాడు --పాలించే వాడు
" రక్షణ" గా నిలిచేవాడు -
" మహిలో "
ఒక్కడ్ని --చూపించు --
ఒక్క సారి --ఒకే ఒక్క సారి చూపించు -!